еТвининг проект „STEAM – Challenge accepted“ 2025/2026 год.

Учениците од четврто одделение во ОУ „Ристо Крле“ со голем успех го реализираа меѓународниот проект „STEAM – Challenge accepted“. Овој проект овозможи инспиративна соработка помеѓу училишта од Турција, Романија ,Грција и Северна Македонија, создавајќи простор за размена на знаења и примена на современи образовни практики.

Низ текот на проектот, учениците постигнаа забележителни резултати во развојот на своите клучни компетенции. Тие покажаа извонредна способност за критичко размислување, самостојно решавање на сложени инженерски предизвици и успешна примена на научните принципи во пракса. Зголемената дигитална писменост и способноста за работа во тим беа клучни резултати кои значително ја зајакнаа самодовербата кај учениците, подготвувајќи ги за идните предизвици во STEAM образованието.

Како потврда за квалитетот на сработеното и траен придонес кон образовната заедница, сите искуства и резултати се систематизирани во методолошкиот водич со ISBN број 978-973-0-44245-8, издаден од Националната библиотека на Романија. Овој труд претставува вреден ресурс за идните генерации и наставници, како и доказ за високите стандарди на работа што нашите ученици ги демонстрираа во оваа меѓународна средина.

еТвининг проект – „Art Journey of Values“ 2024/2025 год.

Art Journey of ValuesПроектот „Art Journey of Values“ во кој учествуваа и учениците од второ и трето одделение при ПООУ „Ристо Крле“ – Мралино, под менторство на наставничката Лидија Ѓаковска,  има за цел преку уметноста да ги доближи и вгради основните човекови вредности кај учениците. Преку креативни и искуствени активности, децата ги изразуваат своите чувства и размислувања, претворајќи ги во уметнички форми поврзани со вредносното образование. Делата ќе бидат презентирани преку изложби и дигитални презентации, поттикнувајќи социјален дијалог и интеркултурна размена со врсници од различни земји. Проектот ја унапредува граѓанската свест, толеранцијата и меѓусебното почитување, користејќи современи веб-алатки и тимска соработка. Преку уметноста, вредностите како почит, одговорност, солидарност и емпатија стануваат блиски и разбирливи за учениците. Очекувани резултати се оригинални и креативни производи – постери, календари, е-книги, песни – и завршна изложба со евалуација на влијанието врз учениците.

https://www.artsteps.com/view/68199e01e082028667eb0afe?currentUser

 

еТвининг проект – „7 ARTS – eTwinning talent collection“ 2024/2025 год.

еТвининг проектот „7 ARTS – eTwinning Talent Collection“, во кој учествуваа и учениците од второ и трето одделение при ПООУ „Ристо Крле“ – Мралино, под менторство на наставничката Лидија Ѓаковска, има за цел да ја афирмира културата како клучен елемент за личен развој и емоционална благосостојба. Учениците преку активно вклучување во седумте уметности – сликарство, музика, архитектура, скулптура, литература, танц и филм – имаа можност да го истражуваат својот креативен израз, да ја развиваат самодовербата и да го откријат сопствениот уметнички глас. Проектот промовира иновативна и интердисциплинарна настава, користејќи современи дигитални алатки како Canva, WordArt, Genially, LearningApps и Padlet. Активностите се реализираа тематски по месец, преку индивидуална работа, тимска и меѓународна соработка. Крајниот резултат се бројни креативни и дигитални продукти кои ја одразуваат детската имагинација, уметничкиот напредок и љубовта кон уметноста.

 

еТвининг проект – „My Sun“ 2024/2025 год.

еТвининг проектот „My Sun“, во кој учествуваа учениците од второ и трето одделение при ПООУ „Ристо Крле“ – Мралино заедно со нивната наставничка Лидија Ѓаковска, се реализираше во текот на 9 месеци. Проектот имаше за цел да ја зголеми свеста кај учениците за Сонцето, неговите позитивни и негативни ефекти, како и за важноста на безбедноста на интернетот. Секоја месечна активност беше внимателно планирана: запознавање, утврдување правила за интернет-безбедност, изработка на лого и постер, применување ликовни техники, развивање приказни и песни, игри и средби со ученици. Беа одбележани и значајни датуми како Денот на побезбеден интернет и eTwinning ден. Учениците работеа со современи дигитални алатки, развивајќи креативност, критичко размислување, соработка и дигитални компетенции. Се поттикнуваше и нивната еколошка свест и одговорност при користење на интернет. На крајот, преку заедничка евалуација и презентација, беа промовирани постигнатите резултати, со што се поттикна понатамошна меѓуетничка и меѓународна соработка.

https://read.bookcreator.com/xVND5V2BXHfWZjKXg4m068Hzgq53/R_MAoI3YQUe6O-_3T95xHA

еТвининг проект – „Trees&Us“ 2024/2025 год.

Во еТвининг проектот Trees&Us “ учествуваа  наставници  заедно со своите ученици од 7 држави:Шпанија ,Турција,Грција ,РС Македонија, Словачка,Романија,Хрватска како и учениците од второ и трето одделение од ПООУ „Ристо Крлр“ Мралино заедно со нивната наставничка Лидија Ѓаковска. Овој проект има за цел да поттикне љубов кон природата и да ги инспирира децата да придонесат за заштита на животната средина која толку многу им дала. Преку едукација за природата и нејзиното значење, учениците развиваат одржливи навики кои ќе ги следат низ целиот живот. Проектот не само што влијае врз нивната еколошка свест, туку го поддржува и нивниот емоционален и физички развој, ја поттикнува креативноста и имагинацијата, ја намалува анксиозноста и ги зајакнува сетилата за подобро доживување, истражување и заштита на прекрасниот свет на дрвјата.

https://read.bookcreator.com/8PHeEDpAMMZ8R9kKfcC1GnQavgk1/kWfW6eBvRlikeOo0XdH8bQ/Q7EsXNv1RUmLdCTbyj9JVQ

Меѓународен проект „Моќта на учителот во создавање на идни професии“

Проектот „Моќта на учителот во создавање на идни професии“ е меѓународна иницијатива кој обединува учители и ученици   од различни земји со цел да ги запознае учениците со различни видови професии и да ја истакне важноста на секоја професија.

Во овој проект учествуваа одделенските наставници:
Адријана Стоимировска Ангеловска, Жаклина Смилевска, Лидија Ѓаковска, Катерина Величковска, Анета Митровска, Магдалена Здравковска, Славица Димитрова Ристовска и Кате Илијевска.

Главната цел на проектот е да се запознаат учениците со различни видови професии и да разберат дека секоја професија има своја важност. Да развиваат интерес, љубопитност, љубов кон одредена професија и да негуваат чувство на почит кон професијата – учител.

Во рамките на проектот беа спроведени следниве активности:
1. Работилници и предавања од страна на професионалци од различни области.
2. Посети на работни места и компании за учениците да видат како функционираат различните професии во пракса.
3. Дискусии и дебати за важноста на различните професии и како тие придонесуваат во општеството.
4. Менторски сесии каде што учениците добија можност да разговараат директно со професионалци и да поставуваат прашања.

Преку учеството во овој проект, учениците се запознаа со широк спектар на професии, развија поголема свест за значењето на секоја професија и стекнаа нови знаења и разбирање за различни кариери.

Благодарение на учеството во овој проект, учениците стекнаа нови знаења, вештини  и сертификати за своите постигнувања.

https://read.bookcreator.com/GbouHxZ4tddofY1LC187T9xCh4W2/Aj7bjDPeQbSZ77ECvau5RQ

еТвининг проект – „BrainTrain “ 2023/2024 год.

 

Учениците од петто одделение од ПООУ „Ристо Крле“ , Мралино , заедно со нивната наставничка Лидија Ѓаковска учесвуваа во еТвининг проект – „BrainTrain “ . Во овој проект учествуваа ученици и наставници од повеќе училишта : Малта, Турција ,Италија и Шпанија. Целта на овој проект е учениците да научат како да се грижат за сопственото ментално здравје , стекнување вештини за користење дигитални апликации, како и користење на апликации со вештачка интелегенција.

https://read.bookcreator.com/kBo12MSGbxdBtiU2IwuddjLPWw12/_Xo-m1m9RuKOrQ-n4IJBVg

еТвининг проект – „HANDICRAFT “ 2023/2024 год.

Во текот на учебната 2023-2024 година се реализираше еТвининг проектот „HANDICRAFT “ , во кој учествуваа училишта од пет држави: Турција, Република Северна Македонија, Шпанија,Грузија и Полска. Во овој проект учествуваа и учениците од V одделение од ПООУ„Ристо Крле“ Мралино. Целта на овој проект е учениците да стекнат вештини за создавање на  различни рачни изработки од волница,копчиња , разни ткаенини и сл. , со што им се потикна развојот на креативното мислење и мануелните вештини. Учениците со голема мотивација и задоволство ги реализираа сите планирани активности , а исто така имаа можност да ги видат изработките од учениците од другите странски училишта.

https://read.bookcreator.com/Ei6jInNK2Nh7gjw9WuatxlVBitj2/bFM6r_OMSjm9n-ss3F5lxQ


Меѓународен проект „ Училница со ретка добрина“ февруари 2024 

            Во текот на месец февруари , во повеќето основни училишта во Република Северна Македонија се реализираше Меѓународниот проект „ Училница со ретка добрина“ . Во овој проект  учествуваа  и учениците од V одд. од ПООУ„Ристо Крле“ Мрaлино , под менторство на наставничката Лидија Ѓаковска . Проектот имаше за  цел да ги запознае учениците со ретките болести, да развие свест за нивно постоење и присуство околу нас, како и прифаќање, разбирање и пружање помош на лицата со ретки болести во нашата училница. Учениците под менторство на наставничката Лидија Ѓаковска,  успешно ја реализираа активноста и беа наградени со сертификати .


еТвининг проект – „ NATURE – TOY FACTORY“   2023/2024 год.

Ученици од петто одделение ПООУ„Ристо Крле“ Мралино  под менторство на одделенскиот наставник Лидија Ѓаковска  се вклучија во  еТвининг проект „ NATURE – TOY FACTORY“. Наши партнер училишта се училишта од Романија , Турција, Грција, Литванија и Италија. Учениците работат во интернационални тимови. Наши цели се да се подигне свеста и позитивен однос кон природата , развивање на креативноста и критичкото размислување, стекнување вештини за  изработка на функционални и/или естетски креации (играчки, колажи, уметнички креации) со користење на разни техники и  материјали од природата; Проект ќе опфати период од 8 месеци од октомври до мај. Месечно ќе се организираат активности за поттикнување на креативноста на учениците, во создавање играчки со материјали обезбедени од природата, специфични за секоја сезона.


еТвининг проект – „ Fold and Tell“

 2023/2024 год.

Ученици од петто одделение ПООУ„Ристо Крле“ Мралино  под менторство на одделенскиот наставник Лидија Ѓаковска ( ко-основач на истиот проект) се вклучија во  еТвининг проект „Fold and Tell“ . Проектот се состои од  активностите преку кои учениците ќе раскажуваат приказни , а во истовреме ќе изработуваат оригами прикажувајќи ги значајните елементи од приказните.  Проектот има за цел учениците да стекнат способност да ги  разбираат содржините на пишан текст, да можат да ги издвојат, анализираат и резимираат информациите од текстот и да ги искажат усно со свои зборови на креативен начин, како и развивање на  фината моторика на рацете кај учениците.  Наши партнер училишта се училишта од Турција  , но подоцна ни се придружија и училишта од Италија.